Na área de Química dispoñemos de moitas apps que nos axudan no traballo diario da aula. As apps máis típicas acostuman a ser calculadoras e táboas periódicas, que como xa vimos o máis normal é que sexan apps dependentes do sistema operativo en cuestión, sendo exclusivas para Android ou iOS. A maiores, dispoñemos doutras apps máis lúdicas, que nos deixarán experimentar con reaccións, como goREACT, xogar a formar moléculas, como Chemdrops, ou enciclopedias de compostos como Yoformulo.
Neste artigo amósase a través de dúas infografías o impacto actual que o uso dos teléfonos intelixentes ou smartphones ten a nivel mundial no que respecta a hábitos e uso de Internet e na segunda o impacto dos mesmos en países en vías de desenvolvemento fundamentalmente como forma de superar a fenda dixital entre países a nivel mundial.
Ampliando as nosas coleccións de apps educativas para dispositivos móbiles hoxe traemos unha pequena selección de aplicacións útiles para o campo das matemáticas, aínda que tamén poden ter utilidade noutras áreas como cálculo, ciencias, química ou física. Neste caso polo nivel de dificultade e o tipo de ecuacións a resolver polas apps o seu uso estaría destinado ás ensinanzas de secundaria, bacharelato, ciclos formativos e ensinanzas universitarias.
A maneira máis directa de atopar e instalar apps é a través das tendas de aplicacións ou Stores dispoñibles, segundo cada sistema operativo móbil. Ademais destas tendas específicas existen tendas abertas para diferentes sistemas e sitios especializados na recopilación e busca de apps exclusivamente educativas.
Tanto Android como iOS compiten en todos os campos, incluído o da Educación, en establecer un mercado de apps e impoñer o seu modelo, a través de solucións adaptadas para escolas que inclúen os dispositivos e paquetes de aplicacións.
Para permitir un modelo BYOD e que se poidan empregar outros dispositivos como notebooks, cómpre fuxir destes modelos tan comerciais. Habería que buscar apps educativas que a ser posible dispoñan dunha alternativa web. Se ben, certas apps específicas para móbiles non dispoñen de web pero a súa funcionalidade educativa pode ser moi valiosa, polo que poderíamos adoptalas para a realización de actividades específicas para unha determinada materia. Aínda así, neses casos cómpre tentar sempre que cubran como mínimo os dous sistemas operativos principais (Android e iOS) para non limitar as solucións adoptadas. Este sería o xeito de evitar a segregación tecnolóxica na aula.
Twitter é unha rede social que nos permite consultar rapidamente gran número de mensaxes, grazas sobre todo á súa limitación de caracteres. É unha rede moi dinámica e moi adaptada ao seu uso dende dispositivos móbiles.
Moodle Mobile é a App desenvolvida pola comunidad Moodle para facilitar o acceso á plataforma Moodle dende dispositivos móbiles.
