Linux Mint

Primeiros pasos con Writer. Como crear un documento dende cero. Operacións básicas: dar formato ao texto, crear listas, inserir imaxes. O corrector ortográfico. Índices. Cabeceiras e pés de páxina.

Dende Gabit estamos empezando a optar por cambiar da distribución Ubuntu á Linux Mint. As recentes versións de Ubuntu acusan unha grande lentitude, aínda con contornos de escritorio livianos, como Gnome clásico ou Xfce. Se a isto sumamos erros nas actualizacións, publicidade na distribución (disimulada como iconos de Unity...), en fin... as queixas das que se están a facer eco usuarios por todo o mundo. Observando o actual ranking de Distros, teríamos así a cousa:

1. Linux Mint.

2. Debian.

3. Ubuntu

4. Mageia

5. Fedora

Ubuntu pasou do primeiro posto ao terceiro. Se ben, Debian sempre é unha opción atractiva pola súa estabilidade, nesta ocasión optamos por Linux Mint (versión 16), e temos que dicir que as primeiras impresións son moi favorables. Moito máis doado de configurar, lembra a versións de Ubuntu anteriores, precisamente as que o levaron ao primeiro posto de distros Linux. Destacaríamos sobre todo o gran rendemento en velocidade na xestión de ventás, minipunto para o contorno de escritorio Cinnamon.

Achegamos unha captura dun equipo recén configurado, ¿que vos parece?