Outros servizos
Que facemos?
Dende o comezo e durante todo o desenvolvemento do seu sitio web as nosas prioridades son a compatibilidade con dispositivos móbiles, a accesibilidade e a facilidade de uso. Se xa ten un sitio web, pero carece destas características podemos axudar a que as teña.
Garantía de acceso á web para todos os usuarios
Todos os usuarios independentemente do dispositivo que utilicen, das súas características técnicas e das súas capacidades físicas ou cognitivas deben poder utilizar aplicacións e sitios web.
Accesibilidade e Usabilidade
A accesibilidade e a usabilidade web garanten que calquera persoa independentemente das súas características físicas e técnicas poidan acceder á información. Tendo en conta que hoxe en día se trata dun imperativo legal para evitar a discriminación de persoas no acceso a servizos e sitios web, a adaptación dos servizos e sitios web de empresas e institucións é unha tarefa obrigada e urxente. Desde Gabit ofrecémoslle o seguinte:
- Auditoría da accesibilidade web a través da análise do seu sitio ou servizo web, e elaboración dun informe completo coas necesidades e cambios a realizar.
- Adaptación do sitio para cumprimento das directrices de accesibilidade ata o nivel desexado polo cliente: A, AA, AAA segundo as WCAG ou WCAG 2.0 promovidas polo W3C.
- Adaptación do código HTML e CSS para cumprir cos requirimentos de validación estándar.
- Adaptación dos contidos web para facelos accesibles desde dispositivos móbiles.
- Adaptación de contidos especiais como documentos PDF, presentacións ou elementos multimedia para facelos accesibles.
- Adaptación do seu sitio para proporcionar onde teñan cabida solucións baseadas en tecnoloxías RIA/AJAX accesibles segundo as WAI-ARIA do W3C.
Compatibilidade con dispositivos móbiles
En Gabit, aseguramos que o seu sitio web sexa totalmente compatible con dispositivos móbiles, ofrecendo unha experiencia de usuario óptima en smartphones e tablets. A nosa estratexia inclúe:
- Deseño responsivo: Adaptamos o deseño do seu web para que se vexa e funcione perfectamente en calquera tamaño de pantalla.
- Optimización de velocidade: Melloramos os tempos de carga en dispositivos móbiles, garantindo unha navegación rápida e eficiente.
- Interfaces intuitivas: Creamos interfaces fáciles de usar, optimizando a usabilidade en pantallas táctiles.
- Probas de compatibilidade: Realizamos probas exhaustivas en múltiples dispositivos e navegadores móbiles para asegurar unha compatibilidade universal.
Outros servizos
Ademais dos nosos servizos principais xa presentados: Desenvolvementos a medida, Accesibilidade, Auditorías de seguridade web, Adaptación para compatibilidade con dispositivos móbiles ou SEO, en Gabit estamos preparados para abordar calquera outra necesidade que poida ter o seu sitio web. Ofrecemos:
- Consultoría personalizada: Analizamos os seus requirimentos específicos e asesorámolo para atopar as mellores solucións.
- Mantemento e soporte técnico: Proporcionamos soporte continuo e mantemento regular para o seu sitio web, CMS (Drupal, WordPress, etc), aplicación ou plataforma (Moodle, Prestashop, etc).
- Integración de servizos: Integramos o seu sitio web con outras ferramentas e plataformas que utilice (APIs, LDAP, etc), facilitando unha xestión unificada.
- Orzamentos a medida: Avaliamos calquera requirimento adicional e proporcionámoslle un orzamento detallado e axustado ás súas necesidades específicas.
En resumo, estamos comprometidos en garantir a accesibilidade de todos os usuarios á web. En todos os nosos proxectos temos en conta desde o primeiro momento aspectos como a Accesibilidade, a Usabilidade e a Compatibilidade con dispositivos móbiles. Se xa dispón dun sitio web e necesita adaptalo, podemos axudarlle. Se precisa calquera outro servizo en relación ao seu sitio ou aplicación web pode consultarnos ou solicitarnos un orzamento.