Educación

Hoxe en día numerosas ferramentas permiten crear contidos desde a nube, sen necesidade de facer instalacións nos nosos equipos. Unha ferramenta moi completa e que cobre aspectos tan diferentes como edición de vídeo, carteis, publicacións para redes sociais ou creación de páxinas web é Canva.

Trátase dunha ferramenta moi fácil de usar, con interfaces e ferramentas moi sinxelas e intuitivas que non requiren grandes coñecementos técnicos. Este enfoque faise ideal para o seu uso educativo, tanto para docentes como para alumnos, permitindo a realización de todo tipo de proxectos, individuais ou colaborativos na aula. Poderiamos definila como unha ferramenta de deseño gráfico para todos os públicos.

Canva ofrece todo tipo de recursos que se poden usar de base nos seus proxectos: imaxes, vídeos, fotografías e todo tipo de plantillas, todos eles libres de dereitos e que incluso se poden crear facendo uso de IA a partir de prompts. É dicir, todos os seus recursos pódense utilizar para elaborar materiais educativos libremente.

A súa facilidade de uso fai que poida utilizarse tamén desde dispositivos móbiles e tablets (para iOS e Android), polo que encaixaría tamén perfectamente en metodoloxías de mLearning.

Un dos aspectos que ocupan boa parte do foco de proxectos transversais en centros escolares é a adquisición de hábitos saudables e de preocupación pola alimentación dos máis pequenos que non deixa de ser un elemento esencial da súa saúde física e mental. Para reforzar este tema, presentamos unha colección de guías e recursos educativos que abordan aspectos como: hábitos e alimentación saudable, actividade física, hixiene, educación sobre drogas, adicións, prevención da obesidade infantil ou trastornos da conduta alimentaria.

Hoxe traemos unha serie de guías e recursos educativos para a prevención e actuación en caso de emerxencia ou accidente na escola, incluíndo información e indicacións sobre primeiros auxilios. Son guías e documentos pensados sobre todo para o seu uso por docentes, pero que poden resultar útiles tamén para as familias e como formación básica para os máis pequenos sobre como reaccionar ante estas situacións. Os principais puntos a tratar serán: pevención, como pedir axuda, e como actuar cando sexa posible mentres se agarda á chegada dos servizos de emerxencias sanitarias.

Actualmente resulta cómodo traballar directamente cos nosos móbiles ou tabletas, así como utilizalos na casa para ver vídeos ou películas. Unha dúbida habitual é como se podería facer para poder ver a pantalla do móbil a través dun proxector, para evitar así o uso do ordenador. Na aula resultará moi cómodo para o educador/a, e na casa haberá moitos usuarios e usuarias que en vez dunha pantalla extra-grande prefiran utilizar tamén un proxector para o fogar. ¿Como transmitir a imaxe do móbil al proxector?

Neste titorial veremos como empregar a app Symbaloo para crear escritorios virtuais que nos axuden a definir os nosos PLE. A app será máis intuitiva que a web de Symbaloo en canto a usabilidade, aínda que terá menos funcionalidades.

Spiral Education é unha solución que nos ofrece un sistema doado de integrar na aula de traballo colaborativo empregando smartphones, tablets e encerados dixitais (PDI). É unha solución gratuíta, moi doada de utilizar, e que se centra en dous aspectos clave, a resolución de exercicios e a discusión dos mesmos a partires da súa publicación no encerado dixital de clase.

De novo da man de Aula Planeta dispoñemos de tres infografías que resumen as principais características dos sistemas educativos doutros paises. Nesta ocasión trátase de: Xapón, Polonia e Nova Celandia. Cada un deles visto a través de 10 puntos claves que nos achegan á visión que teñen da educación noutros lugares.

Comeza un novo curso escolar e como é costume toca preparar a mochila para o cole con todo o necesario: libros, cadernos, diccionarios, material de debuxo etc, etc. Como ben saben familias e fillos, a mochila pode acadar un peso excesivo para un neno/a e isto acarrear problemas ou lesións en pescozo, ombreiros, espalda, cadeiras y xeonllos. ¿Como facer para evitalo?

A UNESCO advirte da importancia de establecer políticas para unha Educación Física de calidade en todo o mundo. Os beneficios deste tipo de políticas trasládanse a todos os ámbitos, principalmente sociais, económicos e académicos, ademais de favorecer valores como o traballo en equipo e a inclusión. As desvantaxes implican sobre todo problemas e riscos para a saúde. A seguinte infografía analiza esquematicamente o informe elaborado por esta organización.